საქართველო და მსოფლიო ყოველკვირეული გაზეთი ონლაინ ვერსია
გაზიარება
საპატრულო ჯარიმები ნახევრდება
25 10 2013 14:03:45 ნანახია: 1963
 საპატრულო ჯარიმები ნახევრდება

შინაგან საქმეთა სამინისტროს ინიციატივით, ნასვამ მძღოლს 200 ლარიანი ჯარიმის ნაცვლად, მართვის უფლებას ნახევარი წლით ჩამოართმევენ.





"ეროვნული ფორუმის" მიერ მომზადებული მეორე ინიციატივით, საპატრულო ჯარიმები ნახევრდება.


გავრცელებული ინფორმაციის თანახმად, წელიწადში მინიმუმ 40 ათასი მძღოლი ჯარიმდება მანქანის არაფხიზელ მდგომარეობაში მართვის გამო, სიკვდილიანობით დასრულებულ ავტოსაგზაო შემთხვევაში კი 100-დან 99-ჯერ ალკოჰოლური სასმელი იყო მიზეზი.


ჯარიმების გადახდის ვადა ერთიდან 3 თვემდე იზრდება. ავტოსატრანსპორტო საშუალებით მოძრაობისას მძღოლის ან მგზავრის მიერ ღვედის გამოუყენებლობის შემთხვევაში, 40-ის ნაცვლად 20 ლარიანი ჯარიმა გაფორმდება. საჯარიმო სანქციები მცირდება სიჩქარის გადაჭარბებისა და შუქნიშნის ამკრძალავ ნიშანზე გავლის წესის დარღვევის შემთხვევაშიც. 15 კმ/სთ-ზე მეტით სიჩქარის გადაჭარბება 75 ლარით დაჯარიმებას გამოიწვევს. სიჩქარის გადაჭარბების შედეგად საავარიო ვითარების შექმნის ან მოძრაობის შეფერხების დროს, 250-ის ნაცვლად მძღოლს 150 ლარის გადახდა მოუწევს. გზის სავალ ნაწილზე სატრანსპორტო საშუალებათა განლაგების, მოძრაობის დაწყების ან მანევრირების წესის დარღვევისთვის განსაზღვრული 50 ლარიანი სანქცია 20 ლარზე ჩამოდის. პრიორიტეტული ან ამკრძალავი ნიშნის მოთხოვნის დაუცველობა, გასწრების, გზაჯვარედინის, რკინიგზაზე გადასვლის წესის დარღვევა და გავლის უპირატესობის მქონე ტრანსპორტისთვის დაბრკოლების შექმნა მძღოლს 50-ის ნაცვლად, 30 ლარი დაუჯდება. ნახევრდება 100 ლარიანი ჯარიმა შემხვედრი სატრანსპორტო ნაკადის გამყოფი უწყვეტი ღერძულა ხაზის გადაკვეთასა და ამ დარღვევის განმეორებაზეც.


აღსანიშნავია, რომ საპატრულო ჯარიმებიდან ბიუჯეტში, დაახლოებით, 8 მილიონი ლარი შედის.


http://www.newposts.ge/?l=G&id=21579

გაზიარება
მსგავსი მასალები

ანონსი

"საქართველო და მსოფლიო" "ობიექტივის" ეთერში

გაზეთი "საქართველო და მსოფლიო"

შემომსვლელები
დღეს 115505
გუშინ 53260
სულ 115505
ამჟამად საიტზეა: 50 მომხმარებელი
05 აგვისტო 2015

ახალი კომენტარები

1 აგვისტოს, ჩემი სტუდენტობის დროინდელი მეგობრის, ცნობილი პოლიტოლოგის ალექსანდრე (საშა) ჭაჭიას დაბადების დღეა, მას 57 წელი შეუსრულდა. ჩვენ, მოსკოვის ლომონოსოვის სახელობის უნივერსიტეტის ფილოსოფიის ფაკულტეტზე ვსწავლობდით, გასული საუკუნის 70–80 იან წლებში. საშა ჭაჭია, იმთავითვე გამოირჩეოდა ღრმა ანალიტიკური აზროვნებით და პოლიტიკური მეცნიერებების საფუძვლიანი ცოდნით, რამაც განაპირობა მისი ჩამოყალიბება მაღალი დონის პროფესიონალ ექსპერტად პოლიტიკის სფეროში. პროფესორის, პოლიტოლოგის საშა ჭაჭიას პოპულარობა, არამარტო პოსტსაბჭოთა სივრცეშია საყოველთაოდ აღიარებული, არამედ ევროპაშიც, რადგანაც მას აქვს უამრავი მიწვევა სხვადასხვა ქვეყნების უნივერსიტეტებიდან, სადაც იგი ლექციების ციკლს კითხულობს, რომლებიც დიდი ინტერესით სარგებლობენ სამეცნიერო და სტუდენტურ წრეებში. საშა ჭაჭია, ყოველთვის გამოირჩეოდა პოლიტიკური პროცესების წინასწარჭვრეტის უნარით, აზრის გამჭრიახობით და სიღრმისეული ლოგიკით, რაც მის პოლიტიკურ ნააზრევს განსხვავებულს ხდის ყველა დანარჩენი პოლიტიკური ანალიტიკოსისგან, როგორც საქართველოში ისე მის ფარგლებს გარეთ. საშა ჭაჭიაზე დიდხანს შემიძლია ვისაუბრო, მაგრამ თავს არ შეგაწყენთ, ერთს ვიტყვი მხოლოდ, რომ მთელი ამ 25 წლის მანძილზე, მას შემდეგ, რაც საქართველო დამოუკიდებელი სახელმწიფო გახდა, საშა ჭაჭია ყოველთვის აფრთხილებდა ქართულ საზოგადოებას, რომ საქართველოს მთლიანობისთვის და განვითარებისთვის, სასიცოცხლო მნიშვნელობა ენიჭება, საქართველო – რუსეთის ორმხრივ სახელმწიფოებრივ ურთიერთობებს: სამხედრო–პოლიტიკურ, სოციალ–ეკონომიკურ, კულტურულ–რელიგიურ, ერთა და ადამიანთაშორის სფეროებში. წინააღმდეგ შემთხვევაში, რ

Facebook

msofliotv.ge
Copyright © 2012 - 2015 Geworld.ge All Rights Reserved.

www.wsa.ge